Myśla czynsto ô mojich starkach i starzikach  ô tyj rzyce dusz i gynow  i jak profesor Bynedykt Kouska starom sie pamiyntać, że kożdy czowiek je jak głowno wygrano w loteryji, i to ku tymu w takij, w keryj wygrywo jedyn los na teragigamegamulticyntylijony. Myśla czynsto ô tych bauerach i bergmanach, krankynwerterach i torszrajberach, huzarach i muszketerach, młynorzach, kamiyniorzach i kowolach, ô tych zowitkach i bynkartach, słepokach i fechciorzach. Niyroz ? jak Kenneth White w "Familijnyj alchymiji" ? zaziyrom przi tym do zdrzadła. I tak jak ôn niy przestowom sie dziwić. - Ze wstympu MIROSŁAW SYNIAWA urodzioł sie w roku 1958 w Chorzowie. Do terozka wydali my dwa tomy poezyj tumaczonych ôd niego na ślonski i jedyn roman, kery napisoł po polsku. Tyn roz prezyntujymy jego włosne wiersze, w kerych rozprawio ô swojich przodkach. Rychtuje, jak nom pedzioł, dwa nowe romany  jedyn po polsku i jedyn po ślonsku  a ku tym nastympny tom ślonskich wierszy, kery mo sie mianować (blank niy po ślonsku) "Mappa mundi".